وصفتي المميزة للمشوك ،، جربيها و ادعيلي

السلام عليكم و رحمة الله و بركاته [ندعوك للتسجيل في المنتدى أو التعريف بنفسك لمعاينة هذه الصورة]

عيدكم مبارك مسبقا ^^ و ربي يتقبل منّا و منكم الصيام و القيام و صالح الأعمال ان شاء الله

انا عندي وصفة عندها بنة نوعدكم تكون مميزة ،،

المكونات :

250 غ مارغرين طرية
4 صفار بيض
كأس كاوكاو محمص مرحي رقيق
نصف كاس سكر ناعم (( تقدري تنقصي ،، انتِ و ذوقك لاخاطرش رايحة تزيدي العسل ))
نصف كاس حلوة الترك (( هاذي تعطيك بنة مميزة ))
و بدل الجلجلان الي بزاااف ناس يديروه فالمشوك تديري نصف كاس جوز مرحي و الأحسن يكون الجوز الي يجي في حبات صغيرة ،،

الجوز ماشي الكبيير ،، هاذاك المدور الصغير [ندعوك للتسجيل في المنتدى أو التعريف بنفسك لمعاينة هذه الصورة]ذوقو أقوى و احلى و يخلي المشوك تاعك ريحتو و ذوقو و لا ارووووع

قتلكم بشهادة حماتي الجادورة ،، آآه قصدي الراااائعة الحنونة [ندعوك للتسجيل في المنتدى أو التعريف بنفسك لمعاينة هذه الصورة]

و فانيليا ،، كيس خميرة كيميائية ، و فرينة باش تتلم

و للتزيين أكيد بياض البيض ،، و كاوكاو مرحي خشين ،، و كرز للتزيين ولاّ كاوكاو ولاّ فواكه مصبرة كيما تحبو انتوما و ذوقكم

التحضير :

خلطي المارغارين + السكر مليييييح ،، زيدي صفار البيض
و بداي تحطي الكاوكاو ، حلوة الترك ، الجوز و تخلطي + الفانيليا ، الخميرة ، الفرينة حتى تتلم العجينة

خليها تريح شويه ،، اومبعد شكليها على شكل كويرات صغيرة و ديريها فبياض البيض ،، اومبعد رمديها فالكاوكاو و ديريها فليكيسات و زينيها من فوق

طيبيها لمدة 20 دقيقة ،، و غير تخرجيها مالكوشة في كل حبة فرغي مغرفة تع العسل

ايا بصحححححتكم ^^

ان شاء الله تجربوها و تقولولي رايكم

» مسابقة العضوة المميزة 2 ادخلووووو
» نتائج مسابقة " العضوة المميزة " لموسمها الاول